Қостанай облысында төтенше жағдай режимі жарияланды

Астана, NEGE. «Ақ Жайық» басылымының аудан әкімдігіне сілтеме жасап хабарлауынша, төтенше жағдай режимін енгізуге су құбыры желілерінің тозуы себеп болған.

Билік өкілдері бұл шара тұрғындардың өміріне тікелей қауіп төнгендіктен емес, инфрақұрылым мәселелерін шешу үшін енгізілген «стандартты рәсім» екенін атап өтті. ТЖ режимі тендерлік рәсімдердің мерзімін қысқартып, ауқымды жаңғырту жұмыстарын тезірек бастауға мүмкіндік береді.

Басылымның жазуынша, қазіргі таңда елді мекендердегі жағдай мәз емес: су қатаң кесте бойынша беріледі әрі сапа бойынша көрсеткіштер көп жағдайда талапқа сай келмейді. Осыған байланысты тұрғындарға суды қайнатып немесе сүзгіден өткізіп барып қана пайдалануға тура келеді.

Осыған байланысты әкімдік жаңа су мұнарасын салуды, заманауи сорғы станцияларын орнатуды және су құбыры нысандары кешенін тұрғызуды жоспарлаған. Бұл шаралар аудандағы сумен жабдықтау жағдайын тұрақтандырып, тұрғындарды тәулік бойы сапалы ауызсумен қамтамасыз етуге бағытталған.