Қостанай облысында мектеп оқушылары 5 жасар қызды зорлады деген күдікке ілінді
Қостанай облысында бес жасар қызды зорлау дерегі бойынша қылмыстық іс қозғалды, деп хабарлады облыстық полиция департаментінің (ПД) баспасөз қызметі.
Алматы, NEGE. «Кәмелетке толмағанға қатысты жыныстық сипаттағы зорлық-зомбылық фактісі бойынша сотқа дейінгі тергеу басталды. Сотқа дейінгі тергеу барысында үш бала анықталды. Күдіктілер қылмыстық жауапкершілікке тартылатын жасқа толмағандықтан, соңғысына қатысты бұлтартпау шарасы қолданылған жоқ», - деп хабарлады ПД.
Полицейлер бұл іске қатысты барлық қажетті тергеу шаралары жүргізіліп жатқанын мәлімдеді.
«Тиісті сараптамалар тағайындалды, оның қорытындысы бойынша тиісті процессуалдық шешім қабылданады», - деп толықтырды құқық қорғау органдары.
Кейбір ақпарат көздерінің мәліметінше, Қостанайда 5 жасар қызды 8, 12 және 13 жастағы ұл балалар зорлаған. Анасының айтуынша, кішкентай қыз болған жағдайды ешкімге айтпасын деп қолына бір қап ойыншық ұстатқан.