Қостанай облысында ер адам енесі мен әйелін өлтіріп, ұлын жаралаған
15 шілде кешке Қостанай облысындағы Қарабалық кентінде 45 жастағы ер адам әйелі мен енесін өлтірген.
Алматы, NEGE. Алдын ала мәлімет бойынша, 10 жастағы ұлы да жараланған, ал қызы оқиға орнынан аман қашып үлгерген.
Күдікті көрші сарайдан табылды, денесінде кесілген жарақаттар болған. Ол өзіне қол салмақ болды деген болжам бар.
Қылмысқа отбасылық жанжал себеп болуы мүмкін. Әзірге нақты себептері анықталуда.
Полиция қылмыстық іс қозғады. Күдікті ұсталып, тергеу амалдары жүріп жатыр.