11 Желтоқсан 15:18
...
Қостанайдағы жарылыстан кейін үйінді астынан екі адам құтқарылып, бір адамның денесі табылды
Қостанай облысындағы жарылыстан кейін үйінді астынан екі адам құтқарылып, бір адамның денесі табылды, деп хабарлайды ТЖМ.
Алматы, NEGE. Іздестіру-құтқару жұмыстарына Қостанай облысы ТЖД және жергілікті атқарушы орган күш-құралдары жұмылдырылған.
«11 желтоқсан күні сағат 12:39-да Қостанай қаласының Амангелді кентінде газ-ауа қоспасының жарылысы салдарынан жүк көлігін жөндеуге арналған бір қабатты ғимараттың қирағаны туралы хабар түсті. Куәгерлердің айтуынша, үйінді астында адамдар болуы мүмкін. Іздестіру-құтқару жұмысында үйінді астынан екі адам құтқарылды, тағы біреуі өлі күйінде табылды, оның аты-жөні анықталып жатыр. Іздеу жалғасуда. Ақпарат түсуіне қарай тағы толықтырылады», - деді министрлік.
