Қостанайда жаяу жүргіншіні қағып, қашып кеткен жүргізуші ұсталды

Алматы, NEGE. Жол-көлік оқиғасы 26 шілдеде болды. Қостанай – Сұрған автожолының 66 шақырымында жаяу жүргіншіні көлік қаққан. /Алайда, оқиға орнынан жүргізуші қашып кеткен. Жәбірленуші ауруханада қайтыс болды. Полицияның жеке құрамы күдіктіні іздеуге бағытталды. ЖКО орнынан көлік фарасының сынықтары алынды.

Жедел-іздестіру іс-шараларының нәтижесінде полиция қызметкерлері 21 жастағы жүргізушіні анықтап, ұстады.

Күдіктіге қатысты ҚР ҚК-нің 345-бабы 3-бөлігі (Адам өліміне әкеп соққан ЖҚЕ бұзу) және ҚР ҚК-нің 347-бабы (ЖКО орнын қалдыру) бойынша сотқа дейінгі тергеу басталды.

Қазіргі уақытта қажетті тергеу әрекеттері жүргізіліп жатыр. Полиция жүргізушілерді және жаяу жүргіншілерді жол қозғалысы ережелерін мүлтіксіз сақтауды ескертеді.