Қостанайда такси жүргізушісі ер адамды пышақтап тастады
Қостанайда такси жүргізушісі ер адамды пышақтап тастады, - деп хабарлайды Zakon.kz.
Қостанай, NEGE. Қостанай облыстық полиция департаментінің баспасөз қызметі кеше Орталық базар аумағынан пышақ жарақатын алған ер адам ауруханаға жеткізілгенін хабарлады.
"Бұл дерек тіркелді. Тексеру аясында полицейлер зардап шегушіге такси жүргізушісі жарақат салғанын анықтады. Жәбірленуші мен такси жүргізушісі арасында жанжал шыққан", - делінген хабарламада.
Бұл дерекке қатысты ҚР Қылмыстық кодексінің 106-бабы бойынша сотқа дейінгі тергеу басталды. Оқиғаның мән-жайы анықталып жатыр.