Қостанайда қаскөйлер итті тірідей көміп тастаған
Қатыгездік таныту фактісі бойынша полицияға шағым түсіреді ме, жоқ па, ол жағын жануарлар құқығын қорғаушылар нақтыламады, деп хабарлайды Zakon.kz.
Алматы, NEGE. Қостанайлық жануарлар құқығын қорғаушылар тірідей көміп тастаған итті құтқарып қалды. Ветеринарлар, әзірге нақты ештеңе айта алмайтындарын, бірақ иттің өмірін сақтап қалу үшін қолдан келгеннің бәрін жасауға уәде берді, деп хабарлайды Sputnik Қазақстан.
Жануарлар құқығын қорғаушылар иттің жағдайы өте ауыр екенін, бірақ оны құтқаруға болады деп үміттенетіндерін жеткізді.
- Жануардың жағдайы тұрақтанып жатса, біз оны оңалту орталығына апарып, одан кейін асыраушы үй іздейміз, дейді волонтерлер.
Оларды бұл жағдайға бей-жай қарай алмайтын желі қолданушылары да қолдау білдіріп, жануардың тез сауығып кетуіне тілектестік танытты.