Қостанай облысындағы Жаңақала ауылының атауы өзгеруі мүмкін

Алматы, NEGE. Елді мекенге жаңа атау беру туралы бастама Ашық НҚА порталында жарияланған облыс әкімдігі мен жергілікті маслихаттың бірлескен шешімінде көтерілген.

«Қостанай облысы Арқалық қаласының Жаңақала ауылы Әбдіғаппар хан ауылы болып аталсын. Осы бірлескен қаулы және шешім оның алғашқы ресми жарияланған күнінен кейін күнтізбелік 10 күн өткен соң қолданысқа енгізіледі», - делінген бірлескен шешім-жобасында.

Мәлім болғандай, ауылдың атауын өзгерту жұмыстарына бюджеттен қаржы бөлінбейді.

Құжат 30 маусымға дейін көпшілік талқылауда болады. Кейін әкімдік пен маслихат тарапынан тиісті лауазымды тұлғалар қол қойған соң, 10 күн өтіп күшіне енеді.