Қостанай облысында сәби бесінші қабаттан құлап кетті
Рудныйда екі жасар сәби 5-қабаттағы терезеден құлап, мерт болды, деп хабарлайды inbusiness.kz.
Рудный, NEGE. Қалалық төтенше жағдайлар басқармасының мәліметінше, 13 сәуірде кешке 2020 жылы туған бала Павел Корчагин көшесіндегі үйдің 5-қабатынан құлап кеткен. Сәби алған жарақаты салдарынан ауруханада көз жұмды. Құтқарушылар бала терезедегі москит торына сүйенгенін айтады. Кейін бала тормен бірге жерге құлаған.
Оқиғаның мән-жайын полицей анықтап жатыр. Төтенше жағдайлар басқармасы балаларды пәтерде қараусыз қалдырмай, сақтық шараларын ұмытпау керегін атап өтті.