Жаңалықтар 08:53, 27 Желтоқсан 2023

Қостанай облысында әжесі мен немересі боранда жоғалып кетті

Қостанайда қарт әйел мен баланы іздеуге жергілікті құтқарушылар жұмылдырылды. Бұл туралы әлеуметтік желіде хабарланды.

Алматы, NEGE. 26 желтоқсан сағат 07.00 шамасында Степной елдімекенінде 58 жастағы әйел мен 11 жастағы қыз жолай өтіп бара жатқан көлікті «тоқтатып мінеміз» деп үйден шығып кеткен.

Содан бері қайда жүргені белгісіз. Олар Тобыл қаласын бетке алған еді.

«Іздеу-құтқару жұмысына еріктілер, полиция, әкімдік қызметкерлері мен құтқарушылар жұмылдырылған. Бұл іске 2 квадроцикл тартылды. Қазіргі уақытта іздеу жұмыстары жалғасып жатыр», – деді Қостанай облысы төтенше жағдайлар департаментінің баспасөз қызметі.