Қостанай облысына Семейден арнайы инженерлік техникалар жіберілді
Қостанай облысының Әулиекөл ауданындағы өртті сөндіру үшін Семей қаласынан арнайы инженерлік техникалар жіберілді.
Алматы, NEGE. Бұл туралы Абай облысы әкімдігінің баспасөз қызметінен мәлім етті. «Қарулы күштердің арнайы инженерлік техникасы Семей қаласынан Қостанай облысына өртті жою үшін көмекке шықты» делінген аталған өңір әкімдігінің баспасөз қызметі таратқан хабарламада.
Әкімдік дерегінше, Абай облысы аумағандағы «AMANAT» партиясының филиалдарында 9 гуманитарлық көмек қабылдау пунктілері ашылған.
Еске салайық, Қостанай облысындағы өрт салдарынан Аманқарағай ауылында 98 үй өртеніп кетті. Сонымен қатар, 10 адамды күйік шалып, 1 азамат қаза тапты.
