Қостанай облысы полиция департаментінің басшысы қызметінен кетті
Қостанай облысы Ішкі істер департаментінің бастығы Ерлан Омарбеков басқа өңірге ауыстырылады. Бұл туралы Қостанай облыстық полиция департаментінің экс-басшысы Facebook желісінде жариялады.
Алматы, NEGE. «Қостанайдан жаңа қызмет орнына кетіп бара жатып, облыс тұрғындарына, жұртшылыққа, жергілікті атқарушы, құқық қорғау және арнайы органдарға, Қостанай облысы полиция департаментінің жеке құрамына алғысымды білдіргім келеді. Дәл осы жерде жаңа жобалар іске асырылды, мен дербес бөлімше басшысының тәжірибесін алдым және Қостанай облысын әрқашан ыстық ықыласпен еске аламын. Мұнда мен керемет адамдармен, басшылармен таныстым, жаңа достар, серіктестер таптым және Президенттің Жарлығымен ҚР Ішкі істер министрінің ұсынысы бойынша маған полиция генерал-майоры атағы берілді. Бұл бүкіл аймақтың зор еңбегі», - делінген хабарламада.
Сондай-ақ, Ерлан Омарбеков құқықтық тәртіптің игілігі үшін полициямен бірлесіп жұмыс істеуге дайын қостанайлықтардың белсенді азаматтық ұстанымын атап өтті.
«Қостанайлық полицейлер алдағы уақытта да алға қойылған міндеттерді абыроймен атқарып, өңір дамып, өркендейтініне сенімдімін», - деп түйіндеді сөзін Ерлан Омарбеков.
