Қостанай облысы Әулиекөл ауданында төтенше жағдай жарияланды
Төтенше жағдайлар министрі бастаған топ тікұшақпен жағдайды жоғарыдан бақылап шықты.
Алматы, NEGE. Өрт өршіп кетуі мүмкін 8 қауіпті ошақ анықталды. Осыған орай бүгін Әулиекөл ауданында жергілікті денгейдегі төтенше жағдай жарияланды.
Алапат өрттен әсіресе Аманқарағай кенті қатты зардап шекті. Бүл елді мекенде өткен тәулік ішінде 98 үй өртеніп, күлге айналды. Әсіресе ауылдың солтүстік бөлігіндегі бүтін көшелерді қызыл жалын жалмап, құр мұржалары қалған. Қазір арнайы құрылған облыстық комиссия шығын, зардап мөлшерін есептеп, тиісінше өтемақы тағайындамақ. Жағдайына қарай жаңа үй салып беру жағы да қарастырылады деді облыс әкімінің орынбасары, комиссия төрағасы Ғауез Нұрмұхамбетов.
Ғауез Нұрмұхамбетов, облыс әкімінің бірінші орынбасары:
- Эвакуациялық пунктер орналасқан Әулиекөлдегі үш мектеп қашықтан оқыту жүйесіне көшірілді. Қиын жағдайға тап болған отбасы балаларының оқу сабағы үзілмейді. Оқулық, киім кешекпен барынша қамтамасыз етеміз.
Айта кетейік, бүгін төтенше жағдайдар министрі бастаған топ тікұшақпен жағдайды жоғарыдан бақылап шыққан еді. Әлі де өрттің өршіп кетуі мүмкін сегіз қауіпті ошақты анықтапты. Осыған орай бүгін Әулиекөл ауданында жергілікті денгейдегі төтенше жағдай жарияланды.