Қостанай клубының ең қымбат ойыншысы
«Астананың» бұрынғы шабуылшысы Роман Мұртазаев
жасыл алаңдағы мәнсабын «Тобыл» құрамында жалғастыруға шешім қабылдады. Жыл соңына дейін келісімшартқа отырған ол Қостанай клубындағы ең қымбат ойыншы атанды.
Алматы, NEGE. 26 жастағы шабуылшының клубтар арасындағы қазіргі нарықтық бағасы Transfermarkt мәліметтері бойынша 2,5 миллион еуроға жеткен. Команданың ең қымбат ойыншыларының қатарына 27 жастағы жартылай қорғаушы Ника Квеквескири (1,4 миллион евро) және қазақстан құрамасының ойыншылары - 27 жастағы Дмитрий Мирошниченко, 26 жастағы Темірлан Ерланов және 23 жасар Максим Федин кірді, олардың ойын құны – 1,1 миллион евро.
Мұртазаев Қарағанды футболының тәрбиеленушісі. Қазақстан премьер лигасында ол өзінің туған қаласы «Шахтер», «Ертіс» және «Астана» сапында ойнады. Сондай-ақ, ол еліміздің жасөспірімдер және жастар құрамаларында ойнап, 2016 жылдан бастап ұлттық құраманың тізіміне енген.
