Қоспаевтың «блатной» көлігі сатылып жатыр
Елдос Қоспаевтың 62,5 млн теңгеге бағаланған Rolls-Royce Ghost Family автокөлігі аукционға шығарылды.
Астана, NEGE. Бұл көліктің «блатной» нөмірі бар: 007VIP07.
Бұған дейін аукционға Елдос Қоспаев пен оның отбасы мүшелеріне тиесілі өзге да қымбат көліктер қойылған. Олардың қатарында жасыл түсті Land Rover Range Rover, ақ түсті Toyota Land Cruiser 200, көк түсті Land Rover Range Rover Sport және 2020 жылы шыққан ақ түсті Mercedes-Benz AMG G 63 бар.
Ағайынды Қоспаевтар мен олардың бандасы ұзақ жылдар бойы Алматы қаласы мен Алматы облысындағы кәсіпкерлердің қорқынышты түсіне айналған. Қаржы мониторингі агенттігінің мәліметінше, олар кәсіпкерлердің мүлкін тартып алып, компаниялардағы үлестерін иемденіп, заңсыз бизнеспен айналысқан.
Сот Елдос Қоспаевты 15 жылға бас бостандығынан айырды. Оның ағалары Айдос пен Айбек 12 жылға сотталды. Қалған қатысушыларға 9 жылдан 12 жылға дейін жаза тағайындалды.
