Көшпенділер ойындарында садақ атудан жүлде алған спортшыларға пәтер, көлік және сыйақы табысталды
Бұл туралы Ұлттық ат спорты түрлері орталығының баспасөз қызметі мәлім етті.
Алматы, NEGE. Федерация алтын медаль иегері Жәнібек Құлмырзаевқа Астана қаласынан 1 бөлмелі пәтер, күміс медаль иегері Ербол Тапеновке су жаңа автокөлік кілті, ал қола медаль үшін Қанат Қасымханға 500 000 теңгенің сертификаты, команданың аға жаттықтырушы Диас Берікұлына 1 000 000 тг сертификаты табыстады.
Естеріңізге сала кетейік, Қазақстан Республикасы Президенті Қасым-Жомарт Тоқаевтың Жарлығымен Астана қаласында өткен V Дүниежүзілік көшпенділер ойындарының жүлдегерлері, олардың жаттықтырушылары, сондай-ақ халықаралық спорт шарасын ұйымдастыруға және өткізуге ерекше үлес қосқан азаматтар мемлекеттік наградалармен марапатталды.
Атап айтқанда, 1 адам «Парасат» орденінің және 7 азамат «Құрмет» орденінің кавалері атанды.
«Ерен еңбегі үшін» медалі 85, ал «Шапағат» медалі 5 адамға берілді.
