Коронавирустың аса қауіпті «йота» штаммы анықталды
Нью-Йоркте «йота» деп аталатын коронавирустың жаңа штаммы анықталды. Бұл туралы ресейлік БАҚ өкілдері мәлімдеді.
Алматы, NEGE. Ресей Федерациясы Денсаулық сақтау министрлігінің Орал федералды округінің медициналық алдын алу жөніндегі маманы, медицина ғылымының докторы Сергей Токарев басылымға MedRxiv препаратының баспа порталындағы мақаласына сілтеме жасай отырып, коронавирустық инфекцияның жаңа штаммы туралы айтты.
Токаревтың айтуынша, «йота» штаммының өлім көрсеткіші – 82 пайызға жетеді, әсіресе 45 жастан асқан адамдарға қауіпті. Бұл басқа мутацияға ұшыраған түрлеріне қарағанда 25 пайызға тез таралады.
Токарев «йота» штаммының адамның иммундық көрсеткішімен санаспайтынын атап өтті. Коронавирустың бұл штаммы басқаларына қарағанда тез жұғады.
Николай Крючков, «йота» штаммы туралы мәлімет қазіргі таңда өте аз екенін алға тартты. Оның таралу қабілеті туралы айтуға әлі ерте дейді.
- Жер шарының батысында, ең алдымен, Оңтүстік Америкада ламбда штаммы тамырын кеңге жаюда. Мүмкін Бразилияда - «гамма» штаммы, біздің әлемде - «дельта» штаммы өршіп жатыр. Олар бір-бірімен біте-қайнасса, одан да жаңа бір түр туындай алады, - деді ғалым.
