Коронавирустан қайтыс болған әйел Алматы мен Шуда қонақта болған
Бүгін Ақмола облысының Денсаулық сақтау басқармасының басшысы брифинг өткізді. Онда коронавирустан қайтыс болған әйелге қатысты кейбір жайттар айтылды.
Алматы, NEGE. Қауіпті дерттен көз жұмған әйел шетелге шықпаған. 13-17 наурыз күндері Алматыда және Шуда қонақта болған. Наурыздың 25-і күні ауруханаға түсіп, шұғыл ем-дом жасалғанына қарамастан көз жұмды. Онымен байланыста болғандардың бәрі карантинге жатқызылып, тексеруден өтіп жатыр.
Марқұмды жерлеу рәсімі өткізілген соң, Нұр-Сұлтанның іргесіндегі Қосшы ауылында тұрған үйін дезинфекциялау жұмыстары жүргізіледі.
Қазір коронавирусты қай жерден жұқтырып алатыныңыз белгісіз. Сондықтан өзіңіздің және жақындарыңыздың амандығы үшін үйден шықпағаныңыз абзал.
