Коронавирусқа қарсы вакцина салдыру ақылы бола ма?
Екпені қазір салдырмағандар кейін ақылы салдырады деген әңгіме тарап жатыр. Бұл қаншалықты рас? Рас болса бағасы қанша болады? Бұл көпшіліктің көкейінде жүрген сауал.
Бұл сұрақтар Орталық Коммуникациялар қызметінде өткен брифингте ҚР Денсаулық сақтау министрі Алексей Цойға жолданған болатын. Nege.kz сайтының сауалына ҚР Денсаулық сақтау вице-министрі Ажар Ғинаят жауап берді.
Вице министрдің айтуынша, вакцина салдыру ешқашан да ақылы болмайды.
«Бұл жалған ақпарат. Екпе ақысыз салынып жатыр. Вакцина барлығына да жетеді. Сондықтан, бәрін вакцина алуға шақырамыз», - деп қысқа қайырды Ажар Ғинаят.
