Коронавирус қашанға дейін жалғасады?
АҚШ ғалымдары коронавирустың шарықтау шегіне қашан жететініне қатысты болжам жасады, деп хабарлайды, MedicalXpress сайты.
Алматы, NEGE. Мичиган университеті қоғамдық денсаулық сақтау мектебінің ғалымдары 2010 жылдан бастап адам ағзасында коронавирустың 4 түрі (OC43, 229E, HKU1 және NL63) қалай тарайтынын бақылаған. Зерттеу жұмысына 1,4 мың адам қатысқан. Бүгінде олар зерттеу жұмысын аяқтапты.
Мамандар коронавируспен ауыру маусымдық сипатқа ие деген қорытынды жасаған. 97,5 пайыз жағдайда аурудың таралуы бәсеңдеген. Ал қаңтар және ақпан айларында ауру шарықтау шегіне жеткен.
Ғалымдардың айтуынша, зерттелген маусымдық коронавирустың SARS-CoV-2-мен байланысы бар. Бұл вирус COVID-19 пандемиясын туғызып отыр. Алайда ғалымдар жаңа коронавирус қандай боларына қатысты болжам жасай алмайтынын айтады. Айта кетейік, әлемде 1,5 миллион адам коронавирус инфекциясын жұқтырған. 88 мыңнан аса науқас аурудан көз жұмды.
