Қорғаныс министрлігі әскери парадтың не үшін өткізілмейтінін түсіндірді
Бұған дейін ведомстводан "1941-1945 жылдардағы Ұлы Отан соғысындағы Жеңіс күніне арналған әскери парадты өткізу жоспарда жоқ" деп хабарланған болатын. Қорғаныс министрлігі аталған іс-шараны өткізбеудің себебін түсіндірді. Бұл туралы inbusiness.kz хабарлады.
Астана, NEGE. "2022 жылы Қазақстанда әскери парадты өткізу бюджет қаражатын үнемдеу есебінен, сондай-ақ басқа да міндеттерді шешу қажеттілігіне қарай жоспарланбайды. Атап айтқанда, Қазақстан Қарулы күштері бөлімшелерінің жауынгерлік әзірлігі мен ұтқырлығының қажетті деңгейін қолдау, мемлекеттік және әскери нысандарды күзету мен қорғауды қамтамасыз ету жөніндегі тапсырмаларды орындау басым бағыт болып табылады",- деп жазылған министрлік таратқан хабарламада.