Қорғаныс министрі тағайындалды
Мемлекет басшысының Жарлығымен Мұрат Кәрібайұлы Бектанов Қазақстан Республикасының Қорғаныс министрі лауазымына тағайындалды.
Нұр-Сұлтан, NEGE. Президент Қ.Тоқаевтың Қорғаныс министрін тағайындау туралы жарлығында былай деген: «Мұрат Кәрібайұлы Бектанов Қазақстан Республикасының Қорғаныс министрі лауазымына тағайындалсын».
Генерал-лейтенант М.Бектанов бұған дейін Қорғаныс министрінің бірінші орынбасары – ҚР Қарулы күштері Бас штабының бастығы лауазымын атқарған.
Ол 1965 жылы Солтүстік Қазақстан облысында туған. 2020 жылы мамырда ҚР Президентінің Жарлығымен оған генерал-лейтенант әскери шені берілді.
