Қорғаныс министрлігінде Конституция күніне орай салтанатты жиналыс өтті
Қорғаныс министрі атынан Қарулы күштердің жеке құрамын мемлекеттік мерекемен оның орынбасары генерал-майор Шайх-Хасан Жазықбаев құттықтады, деп хабарлады BAQ.KZ.
Алматы, NEGE. Ол негізгі Заңның қазақстандық қоғам мен мемлекет жетістіктерінің әлеуметтік-экономикалық, саяси, рухани және құқықтық дамуындағы тұрақты маңызын атап өтті. Оның аумақтық тұтастығын, тәуелсіздігін, азаматтардың қауіпсіздігін Қарулы күштер қорғайды. Жылдан жылға олар өздерінің жауынгерлік әлеуетін арттыруда. Жауынгерлік даярлықтың сапасы мен қарқындылығы едәуір артты, әскерлерді техникалық жарақтандыру үнемі жетілдіріліп келеді, әскери қызметшілер әлеуметтік кепілдіктермен қамтамасыз етілген, – деп жалғастырды ведомство басшысының орынбасары.
Қорғаныс министрінің орынбасары биылғы жыл ел үшін, оның ішінде Қарулы күштер үшін де қиын болғанын еске салды.
Әскери қызметшілер су тасқыны кезінде өз міндеттерін жанқиярлықпен орындады. Бүкіл елмен бірге олар зардап шеккен елді мекендердің тұрғындарына көмектесіп, азаматтардың үйлері мен мүліктерін қорғады, – деді ол.
Генерал-майор Шайх-Хасан Жазықбаев Париждегі Олимпиадада өнер көрсеткен Орталық спорт клубы спортшыларының жетістіктерін де атап өтті. Олар жеңіп алған жеті медальдың төртеуін Қазақстан құрамасының қоржынына армия спортшылары салды.
Конституция күніне орай ерекше көзге түскен әскери қызметшілер "Ел қорғаны" медалімен және Құрмет грамотасымен марапатталды.
