Қорғаныс министрлігі Нұрсұлтан Назарбаевтың ескерткішіне қатысты пікір білдірді
Қорғаныс министрлігі Нұрсұлтан Назарбаевтың ескерткішін мұражайға көшіретінін хабарлады.
Алматы, NEGE. Ескерткіш Қазақстан Республикасы Қарулы Күштерінің Мемлекеттік әскери-тарихи мұражайының ғимаратына орнатылады. Қазіргі уақытта ескерткіш қорғаныс істері жөніндегі департамент ғимаратының бірінде уақытша сақтауда жатыр.
«Қорғаныс министрінің бұйрығымен Тұңғыш Президент – Елбасы атындағы Ұлттық қорғаныс университетінің атауы Ұлттық қорғаныс университеті болып өзгертілді. Сол себепті Ұлттық қорғаныс университетінің аумағында орналасқан Тұңғыш Президент ескерткішін Қазақстан Республикасы Қарулы Күштерінің Мемлекеттік әскери-тарихи мұражайының ғимаратына көшіру және орнату туралы шешім қабылданды", - делінген хабарламада.
