Қордайдағы вакцина шығаратын зауыт қызметкерлеріне көпқабатты 3 үй салынады
Қордай ауданындағы вакцина шығаратын зауыт қызметкерлеріне арналып үш көпқабатты үй пайдалануға беріледі, деп хабарлайды ҚазАқпарат.
Тараз. NEGE. Қордай ауданына жұмыс сапары барысында облыс әкімі Бердібек Сапарбаев Гвардейский ауылына барды. Мұнда биологиялық қауіпсіздік мәселелері институтының негізінде фармацевтикалық зауыттың ғимараты бой көтерген. Жоба бойынша жылына 60 миллион доза түрлі вакциналар шығару жоспарланып отыр десек, оның ішінде коронавирусқа қарсы вакцина да бар. Аймақ басшысы нысанның бірнеше қабатын аралап, таза ғимарат кешенімен танысты. Сондай-ақ, зауытты пайдалануға беру мәселесі бойынша кеңес өткізді.