Конституциялық заң жобасына елорданың атын Астана деп өзгерту туралы ұсыныс енгізілді
Парламенттегі депутаттар тобы елорданың бұрынғы Астана атауын қайтару туралы ұсыныс білдіргені мәлім.
Алматы, NEGE. Бұл ұсынысқа қатысты Қазақстан Республикасы Президентінің баспасөз хатшысы Руслан Желдібай фейсбук парақшасында пікір білдірді.
- Депутаттардың бұл бастамасы туралы Президент хабардар. Халық қалаулылары, өз кезегінде тұрғындармен кездесулерде айтылған ұсыныстарға, сондай-ақ референдум кезінде азаматтардың көптеген өтініштеріне сүйенді, деп жазды Руслан Желдібай.
Мәжіліс депутаттарының ұсынысы Мемлекет басшысының келісімімен Конституциялық заң жобасына енгізілді.
- Президент Қазақстанның қазіргі мемлекеттілігін нығайтуда және елорданың іргесін қалауда Н.Ә. Назарбаевтың шешуші рөл атқарғаны тарихи факт деп санайды. Сондықтан Тұңғыш Президент атындағы басқа да нысандар өз атауларын сақтап қалуы тиіс, - деп пікір қалдырды президенттің баспасөз хатшысы.
Қазір оқып жатыр
Алматыда заңгер Әділетхан Молдаханның сотында журналистерді сыртынан қамап қойған
Блогер Шайхтың миллион теңгеге сатылған бизнес-турлары тексеріліп жатыр
2,6 млрд теңге субсидия заңсыз алынған: экс-депутаттың ісі сотқа жолданды
«Алтыншы күн қатарынан комада жатыр»: Алматыда жас қыздың үстіне қураған ағаш құлады
