Конституциялық реформа қазақстандықтардың өмірінде нені өзгертеді?
5 маусымдағы Конституциялық референдумға бір апта қалды. Осыған орай Мемлекеттік хатшы Ерлан Қарин референдумға қатысты ең маңызды сұрақтарға жауап берген видеосын жариялады.
Алматы, NEGE. "5 маусымда өтетін конституциялық референдумға бір аптаға жуық уақыт қалды. Елімізде референдум мәселелері бойынша азаматтарды ақпараттандыру бойынша белсенді науқан жүріп жатыр. Өткен жолы мен конституциялық өзгерістердің мәні мен оның жалпы ел үшін маңызы туралы айтуға тырыстым. Бірақ қарапайым халық конституциялық реформа оларға және олардың отбасыларына не береді деп алаңдайды? Конституцияға енгізілген өзгерістерден белгілі бір азаматқа қандай пайда болады? Бұл бейнешолуда мен осы сұрақтарға жауап беруге тырысамын", - деді Қарин.