Конституциялық сотқа жүгіну кезіндегі мемлекеттік баж салығы алынып тасталмақ

Астана, NEGE. Депутат Ерлан Стамбековтің мәлімдеуінше, заң жобасы 15 наурыздағы Республикалық референдумның қорытындысы бойынша жаңа Конституцияға енгізілген өзгерістерді, сондай-ақ «Конституциялық сот туралы» заңға енгізілген түзетулерді іске асыруға бағытталған. 

Оның айтуынша, құжатқа мынадай түзетулер енгізу көзделген: 

• Құқықтық реттеудің мәнін өзгертпей, жекелеген нормалардың редакциясын техникалық тұрғыдан нақтылау және біріздендіру. Атап айтқанда, «шетелдік» терминін «шетелдік азамат» ұғымымен алмастыру, «тенге» сөзін «теңге» нұсқасына келтіру, сондай-ақ аумақ атауларын көрсету тәртібін астанаға басымдық бере отырып реттеу ұсынылған.
• Салық заңнамасындағы институционалдық атауларды жаңа конституциялық модельге сәйкес келтіру қарастырылған. Осыған байланысты «Парламент» атауы «Құрылтай» атауымен ауыстырылып, жаңадан «Қазақстан Халық Кеңесі» институты енгізіледі.
• Азаматтардың Қазақстан Республикасының Конституциялық сотына жүгінуі кезінде төленетін мемлекеттік бажды алып тастау көзделген.

Сондай-ақ құжатта заң шығару техникасы тұрғысынан жекелеген нормалардың тұжырымдарды нақтыланбақ.