Бір палаталы Құрылтайда Заң жобаларын үш оқылымда қарастыру форматын енгізу ұсынылды
Астанада Конституциялық реформа жөніндегі комиссияның алғашқы отырысында Заң жобаларын үш оқылымда қарастыру форматын енгізу ұсынылды.
Астана, NEGE. Бір палаталы Құрылтайдың заң шығару үдерісі Жұмыс тобының отырыстарында жан-жақты талқыланды. Нәтижесінде, Құрылтай жұмысына заң жобаларын үш оқылымда қарастыру форматын енгізу ұсынылды.
Алғашқы екі оқылымда заң жобасының мазмұны айқындалады. Ал үшінші оқылым заң жобасының заңнамалық тұрғыдан дұрыстығын қамтамасыз етеді.
Бұдан бөлек, заң шығару үдерісінің үздіксіз болуын қамтамасыз ету мәселесі көтерілді. Парламентте екінші палатаның болмауы бұған кедергі келтірмеуі тиіс.
Сондықтан, Парламент болмаған кезде заң шығару функциясы мемлекеттің ең жоғары лауазымды тұлғасы – Президентке жүктеледі.
Жұмыс тобы осындай ұсыныс енгізді.