Конституцияда сөз бостандығының шегі нақтыланбақ
Бұл туралы Конституциялық реформалар жөніндегі комиссия отырысында Мәжіліс депутаты мәлімдеді.
Астана, NEGE. Оның айтуынша, Конституцияға сөз бостандығына қатысты қосымша шектеу енгізілмек: сөз бостандығы өзге адамдардың ар-намысы мен қадір-қасиетіне, қоғамның рухани-ұлттық құндылықтарына және қоғамдық тәртіпке нұқсан келтірмеуі тиіс. Сондай-ақ зорлық-зомбылықты, соғысты және араздықты насихаттауға тыйым салу тізілімі кеңейтіледі.
Сонымен қатар азаматтардың бейбіт жиналыстар өткізу құқығына қатысты да өзгерістер енгізілмек. Депутат бұл құқық заңмен қандай жағдайларда шектелуі мүмкін екенін нақтылады.
«Тізімге конституциялық құрылыстың негіздерін қорғау, ұлттық қауіпсіздікті қамтамасыз ету, сондай-ақ қоғамның рухани-адамгершілік құндылықтар жүйесі енгізіледі», – деді Имашева.
Сондай-ақ президент мерзімінен бұрын қызметтен кеткен жағдайда сайлау күнін Құрылтай жариялайтыны нақталынған. Ұсынысқа сәйкес, мемлекет басшысы қайтыс болған, импичмент жарияланған немесе өкілеттігін мерзімінен бұрын тоқтатқан кезде Құрылтай 7 күн ішінде президенттік сайлау өткізілетіні туралы хабарлауға тиіс болмақ.
