«Қонаев-Күрті» тас жолы жаңарып, қозғалыс қауіпсіздігі артады
Алматы облысында республикалық маңызы бар «Қонаев-Күрті» тас жолының 0-67 шақырымдық учаскесінде қайта жаңарту жұмыстары жүріп жатыр.
Алматы, NEGE. «Қонаев-Күрті» тас жолының 0-67 шақырымдық учаскесінде қайта жаңарту жұмыстары жүргізілуде.
- Мердігер ұйым – «Атырауинжстрой-АИС» ЖШС
- Инженерлік қызмет – SP «Egis International» және «CS Consultants»
- Жобаның ұзындығы – 67 шақырым
Қазіргі нәтижелер:
- 66,7 км екі жолақты жол толық аяқталды
- 40 км жолдың негізі дайындалды
- 36 км асфальтбетон қабаты төселді
- 21 км қиыршық мастикалық асфальтбетон салынды.
Жолдың аталған бөлігін 2025 жылдың соңына дейін пайдалануға беру жоспарланған.
Жұмыс барысы «Жол активтері сапасының ұлттық орталығы» филиалының тұрақты бақылауында. Жыл басынан бері нысанға 3 тексеріс жүргізіліп, 24 құрылыс материалы сынақтан өткенін де қоса кетейік. Оның 9-ы талапқа сәйкес болмай шыққан. Қазір мердігер ұйым кемшіліктерді жоюға кірісті.
Аталған жоба өңірдегі қозғалыс қауіпсіздігін арттырып, көлік қатынасын айтарлықтай жақсартуға сеп болмақ.
