Қонаев қаласында газ беру уақытша тоқтатылады
Қонаев қаласында 20-23 тамыз аралығында газ беру тоқтатылады, деп хабарлайды "Қапшағай аумағының газ желілері" ЖШС өкілдері.
Алматы, NEGE. Мекеменің ақпаратына сәйкес, газ беруді уақытша тоқтату Абай көшесінің жолын жөндеу жұмысымен, сондай-ақ үлкен қысымды газ желісін жаңғыртумен байланысты.
"Газ құбырының жаңа желісін қолданыстағы желіге ажыратпай қосуға мүмкіндік жоқ. Үш күн бойы №1,2,3,4,5, Восточный, Гүлдер, Спутник, Арна, Рауан, № 18,19,20 ш/а-да және Железнодорожная көшесінде көгілдір отын беру тоқтатылады немесе кей аудандарда газ қысымы төмендеуі мүмкін", - дейді ЖШС өкілдері.
Мамандар көгілдір отынды барынша ертерек қосуға тырысатындарын айта кетті.
"Уақытша ыңғайсыздықтарға түсіністікпен қарауларыңызды сұраймыз", - дейді мекеме өкілдері.
