Қонаев әкімдігі 150 мың га жерді тұрғын-ойын-сауық кешенін салуға заңсыз берген
Ауыл шаруашылығы министрлігінің Жер ресурстарын басқару комитеті Қонаев қаласы әкімдігінің қызметіне жоспардан тыс тексеру жүргізіп, шенеуніктердің Жер кодексі талаптарын бұзғанын анықтады.
Астана, NEGE. Тексеруге жер телімдерін беруге қатысты мәселелер негіз болды, деп хабарлайды комитет өкілдері.
«Тексеру барысында жалпы аумағы 150 мың гектар жер телімі тұрғын-ойын-сауық кешенін және зоологиялық паркті орналастыруға берілгені анықталды.
Жер беру кезінде Жер кодексінің талаптары бұзылған. Атап айтқанда, жер телімін бөлу қала бас жоспарының ережелеріне қайшы келген», – делінген хабарламада.
Бұған қоса Қонаев қаласы әкімдігіне берілген нұсқама белгіленген мерзімде орындалмаған.
Осыған байланысты прокуратура Қонаев қаласының сотына талап арызбен жүгінген. Сот талап арызды толық қанағаттандырып, коммерциялық мақсаттағы жер учаскесі мемлекет меншігіне қайтарылды.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
