«Біреулер қастықпен өлтірді» – Композитор Арман Дүйсеновтің үлкен ұлы қайтыс болды

Алматы, NEGE. Қаралы хабарды өнер жұлдыздары жеткізді. 

«Марқұм Арман Дүйсеновтің тұңғышы Абылай Арманұлын біреулер қастықпен өлтірді деген суық хабар жетті. Иманы саламат болсын, өлтірген адамды тауып, жазасын беру керек. Айсұлу айналайын, Алла сабыр берсін! Кеше ұшып кетіп едім, туғандарына, анасына, қарындасымен бауырына қайғырып көңіл айтамын», - деп жазды Мақпал Жүнісова. 

 Журналист Ләйлә Сұлтанқызы да қазаға көңіл айтты. 

«Осы жаңа суыт хабарды естіп, көңілім құлазып отыр. Қазақта «аталатсаң да, боталатпа» дейді ғой. Қазір Арманның жесірі, келіншегіне өте ауыр, қиын. Үлкен ұлы қайтыс болды дегенді естіп, отбасына қайғырып, көңіл айтамын. Бекем болыңыздар. Алла бәріне ғұмыр сыйласын», - деді Ләйлә Сұлтанқызы. 

Айта кетейік, 2023 жылы 24 қаңтарда танымал композитор Арман Дүйсенов өмірден өткен болатын.