Коменданттық сағатты бұзған 18 мыңнан астам адамға айыппұл салынды

Алматы, NEGE. Қазірге дейін елде қауіпті індетке шалдыққандар саны 52 мыңнан асып, көз жұмғандар саны 1000-ға жетті. 1626 азаматтың жағдайы ауыр. Соңғы мәлімет бойынша, елде 2965 кісі қауіпті індеттен жазылып шыққан. Соңғы ақпар бойынша, пандемияға байланысты Түркияның 31 провинциясының азаматтарына екі күн бойы коменданттық сағат режимі енгізілді. 

Бүгін Түркияда коменданттық сағат режимінің 2-ші күні.  Әрбір көшені сақшылар күзетіп тұр. Не себепті, түрік билігінің 11-12 сәуір күндері коменданттық сағат жариялағаны белгісіз. Алайда сенбі және жексенбі күндері елде ауа райы қолайлы болды. Мүмкін, бұл тұрғындардың саябақтар мен демалыс орындарына ағылудың алдын алу мақсатында қабылданған шара шығар. Күнделікті қажетті нан, су сататын орындар мен медициналық қызмет орталықтарының жұмыс істейтіндігі хабарланды. Ішкі істер министрінің мәліметінше, түнгі 00:00-де коменданттық сағаттың енгізілетіндігіне байланысты бейсауат жүрген азаматтардың үйлеріне қайтуына мүмкіндік берілді.