Көлік министрлігі Ақтау маңындағы ұшақ апатына қатысты тергеудің алдын ала есебін жариялады
Көлік министрлігі «Azerbaijan Airlines» әуе компаниясының «Embraer-190» ұшағының апатқа ұшырауын тергеу туралы алдын ала есебін жариялады.
Алматы, NEGE. Құжат Көлік министрлігінің ресми сайтында жарияланды.
Еске сала кетейік, 25 желтоқсан күні Ақтау маңында Azerbaijan Airlines әуе компаниясының ұшағы апатқа ұшыраған болатын. Ұшақ бортында 67 адам, соның ішінде 5 экипаж мүшесі болған. Оқиға салдарынан 38 жолаушы қаза тапты, олардың арасында 6 Қазақстан азаматы бар.
