Көліктік бақылау инспекторы өзін-өзі ұстап берген бе?
Сыбайлас жемқорлыққа қарсы іс-қимыл агенттігі Нұр-Сұлтан қаласының көліктік бақылау инспекциясының лауазымды тұлғаларына қатысты сотқа дейінгі тергеуді аяқтады.
Нұр-Сұлтан, NEGE. Жемқорлыққа қарсы қызметтің YouTube-тегі каналына жүктелген видеоға қарағанда, инспектор өзін-өзі ұстап бергенге ұқсайды. Өйткені пара алу сәтінің бәрі кеудесіне таққан камераға түсіп қалған.
«Нұр-Сұлтан қаласы бойынша Сыбайлас жемқорлыққа қарсы қызмет ҚР Индустрия және инфрақұрылымдық даму министрлігінің Нұр-Сұлтан қаласы бойынша көліктік бақылау инспекциясының лауазымды тұлғаларына қатысты жүк автокөлік құралдарының жүргізушілерінен кедергісіз жол жүргені және ҚР ӘҚБтК 571-бабы (жолаушыларды, багажды және жүктерді тасымалдау қағидаларын бұзу) бойынша әкімшілік жауапкершілікке тартпау үшін 5-15 мың теңге аралығында жүйелі түрде пара алу фактісі бойынша сотқа дейінгі тергеуді аяқтады», – деп хабарлады Антикор.
