Көлік жүргізушісіне 6 миллион теңге айыппұл салынды
Нұр-Сұлтанда жол қозғалысы ережесін 98 рет бұзған жүргізушіге 6 миллион теңгеден аса айыппұл салынған, - деп хабарлайды қалалық полиция департаментінің баспасөз қызметі.
Алматы, NEGE. 3 желтоқсанда елордалық полицейлер Volvo XC90 автокөлігін тоқтатқан. «Бейнебақылау камералары мониторинг жүргізу кезінде осы автокөлік жол қозғалысы ережесін бұзғанына байланысты тоқтатылған. Тексеру барысында, осы автокөлікпен ЖҚЕ бұзу бойынша 98 дерек тіркеліп, 6 миллион 95 мың 350 теңге айыппұл салынған», – деді департамент өкілдері.
Сондай-ақ, 49 рет ЖҚЕ бұзған Lexus LX 570 автокөлігі тоқтатылған, оған 2 миллион 489 мың 650 теңге айыппұл салынған. Автокөліктер айып тұрағына жеткізілген.
