Көлгінов Кореяда олжалы болды
Нұр-Сұлтан қаласының әкімі Алтай Көлгінов оңтүстіккореялық компаниямен жаңа зауыттың құрылысы туралы жоспарды талқылады.
Алматы, NEGE. «Оңтүстік Кореяға жұмыс сапарым барысында Hyosung Heavy Industries компаниясының басшылығымен келіссөздер жүргізілді. Нұр-Сұлтанда Alageum Electric компаниясымен бірлесе жоғары вольтты электротехникалық жабдықтар шығаратын зауыт құру талқыланды", – деп жазды елорда әкімі Instagram желісіндегі парақшасында.
Әкімнің айтуынша, жоба 200 жаңа жұмыс орнын құруға мүмкіндік береді екен.
«Отандық нарықтан басқа өнімдерді басқа елдерге экспорттау жоспарланған. Hyosung Corporation компаниясы – Оңтүстік Кореяның ірі холдингтерінің бірі. Негізгі қызмет түрі – генераторлар мен өнеркәсіптік жабдықтарды, трансформаторларды, тарату және тарату жабдықтарын өндіру және сату», – деп толықтырды Алтай Көлгінов.