Қолдану мерзімі өтіп кеткен құжаттар 10 шілдеге дейін жарамды
Төтенше жағдай кезінде мерзімі өткен құжаттар 10 шілдеге дейін жарамды. Яғни, айыппұлсыз жүзеге асырылады.
Алматы, NEGE. Үкімет азаматтардың кейбір құжаттарын жарамды деп тану туралы қаулы қабылдады. Енді жеке басты куәландыратын құжаттар, жүргізуші куәліктері мерзімі өтіп кетсе де, 30 күн бойы жарамды деп есептеледі. Сонымен қатар елге кіруге және шығуға арналған визалар да осы уақыт ішінде ауыстырылуы қажет. Ақтоты Боранова, ҚР ІІМ ӘПК ерекше тапсырмалар жөніндегі аға инспекторы: – ҚР Үкіметінің қабылданған қаулысына сәйкес, төтенше жағдай кезінде жүргізуші куәліктерінің мерзімі өтіп кеткен жүргізушілер құжаттарын 60 күн ішінде яғни 10 шілдеге дейін ауыстыра алады.
