Көктем кешігіп келетін түрі бар
Елімізде биыл көктемнің кеш шығатын сыңайы бар. Синоптиктер осылай деп отыр.
Алматы, NEGE. Оған солтүстік мұзды мұхитынан келетін циклон әсер етеді. Суық ызғар наурыз айында сезіледі. Ауа температурасы орташа есеппен минус 1, минус 8 градус аралығында болады. Қар аралас жаңбыр жауып, көшелерге көк мұз қатады. Екпінді жел, ара-тұра бұрқасын көтерілуі мүмкін. Айта кетейік, күн райының қолайсыздығынан 7 өңірде дауылды ескерту жарияланып, республикалық жолдардың 32 бөлігінде көлік қозғалысы шектелді. Бір сағат бұрын Нұр-Сұлтан-Щучинск трассасы жабылғаны жайлы хабарланды.