Көкшетауда ұлы ақынға арналған әдеби орталық ашылды

Алматы, NEGE. Айтулы шараның ашылуына жергілікті зиялы қауым және қоғам қайраткерлері, жоғары оқу орындарының оқытушылары мен абайтанушылар қатысты. Әдеби орталық Көкшетау қалалық кітапханасының жанынан ашылды. Бұл шығармашылық идеяның жүзеге асуына Көкшетау қалалық мәдениет және тілдерді дамыту бөлімі қолдау білдірген. Орталық жастардың Абайдың шығармашылығын зерттеп, насихаттауына септігін тигізбек.

«Орталықтағы кітап көрмесі 3 бөлімінен тұрады. Бірінші бөлім «Абайдың дүниетанымы» деп аталады. Онда Абайдың балалық шағындағы әдеби кітаптар мен ұлы ғалымдардың ұлы сөздерін оқуға болады. Ал екінші бөлімі «Жүрегімнің түбіне терең бойла» деп аталады. Яғни, Абайдың шығармалары мен шешендік сөздеріне арналған. Үшінші - «Абай мұрасы мәңгілік» бөлімінде абайтанушылар мен зерттеушілердің ақын туралы жазған шығармаларымен және еңбектерімен танысуға болады», - дейді бөлім басшысы Айгүл Сәбитова.

Шара жас ақындардың ұлы ақынның шығармаларын мәнерлеп оқуымен аяқталды.