Көкшетауда кәсіпкер жалған құжат толтырып, ArtSport қаржысын жымқырған
Ақмола облысының прокуратурасы ArtSport мемлекеттік бағдарламасын іске асыру барысында жеке кәсіпкердің 1,4 млн теңгеден астам бюджет қаражатын жымқырғанын хабарлады.
Астана, NEGE. Прокуратура мәліметінше, 2023 жылғы мамыр айынан 2024 жылғы қыркүйек айына дейінгі кезеңде кәсіпкер секцияларға қатыспаған алты баланың дерегін пайдаланып, мемлекеттен қаржы алып отырған. Бұл факт бойынша қылмыстық іс қозғалды.
«Н. сімді азаматша жеке кәсіпкер ретінде тіркеліп, ArtSport бағдарламасына қатысу құқығын алған және ваучерлік қаржыландыру арқылы сабаққа қатысу табельдерін және көрсетілген қызметтер актілерін жалған толтырған. Соның негізінде мемлекеттік бюджеттен оның есепшотына қаражат аударылып отырған.
Нәтижесінде мемлекетке 1,4 млн теңгеден астам мөлшерде залал келтірілді», – делінген ресми ақпаратта.
Қалалық соттың үкімімен кәсіпкер бюджет қаражатын жымқырғаны үшін (Қылмыстық кодекстің 190-бабы) кінәлі деп танылып, 2 жылға бас бостандығын шектеу жазасына кесілді. Сондай-ақ 3 жыл мерзімге материалдық жауапты лауазымдарды атқару құқығынан айырылды.