Көкшетау қаласындағы тұрғын үйлердің бірінде жылу жүйесі жарылып, 3 әйел көз жұмды
Қайтыс болғандардың бірі - үй иесі, зейнет жасында болған. Ал, қыдырып келген оның қос құрбысы 50 және 56 жаста.
Алматы, NEGE. Astana арнасы таратқан мәліметке қарағанда көз жұмған үш әйелдің де денесінің басым бөлігін күйік шалып, құтқаруға мүмкіндік болмаған. Қазір оқиғаның негізгі себебі анықталып жатыр.
“Біз алдымен 109-ға хабарластық. Бірақ олар бізге басқа жауапты мекемелерге хабарласуымызды сұрады. Осылайша, біз таңғы 4-5 ке дейін тек телефонда жауап күттік. Көршілердің жарығы жанып тұрғасын терезесі мен есігін қайта-қайта қақтық. Бірақ ешкім ашпады. Ал, тиісті сала мамандары келгенше ыстық су барлық дәлізді алып кетті”, – деді Көкшетау қаласының тұрғыны Жанна Көкешева
