ҚМДБ мұсылмандарға Counter-Strike, Dota, GTA, Minecraft сияқты ойындарды ойнауға тыйым салды
Қазақстан мұсылмандары діни басқармасы мұсылмандарға Counter-Strike 2, Dota 2, GTA, League Of Legends, Minecraft және genshin Impact сияқты ойындарды ойнауға тыйым салды.
Алматы, NEGE. ҚМДБ мазмұнында зорлық-зомбылық, кісі өлтіру, соғыс, құдайға қарсы немесе дінді мазақ ету көріністері бар барлық ойынды ойнауды шектегенін ескертті.
«Ойында құмар ойын элементтері болмауы керек. Құранда «Уа, Аллаға сенгендер! Мас ететін сусындар, құмар ойындар, пұт – бұл шайтанның істері. Одан аулақ болыңыз!» делінген.("Әл-Маида" сүресі, 90-аят)», – деп түсіндірді мүфтият.
Мұсылмандарға Ислам қағидаттарына сай келмейтін ойындарды ойнауға біржолата тыйым салынған. Ал логикалық, миды дамытатын, ақпараттық ойындарға рұқсат етілген.
