Қазақстандық имамдар АҚШ-тың бес қаласын араламақ
Қазақстан мұсылмандары діни басқармасы өкілдері АҚШ-тағы қазақ диаспорасымен рухани кездесулер өткізеді.
Астана, NEGE. Делегацияны бас мүфти Наурызбай қажы Тағанұлы бастап бармақ. Бұл жөнінде Діни басқарма өкілдері хабарлады.
«Америка Құрама Штаттарындағы Қазақстан Республикасы Елшілігінің ұйытқы болуымен, Қазақстан мұсылмандары діни басқармасының төрағасы, бас мүфти Наурызбай қажы Тағанұлы хазірет бастаған ҚМДБ делегациясы АҚШ-тағы қазақ диаспорасының өкілдері мен студенттермен рухани кездесу өткізеді», – делінген мүфтият хабарламасында.
Жиын өтетін қалалар мен кездесу күндері:
- 27 қаңтар – Вашингтон қаласы.
- 29 қаңтар – Нью-Йорк қаласы.
- 30 қаңтар – Чикаго қаласы.
- 31 қаңтар – Хьюстон қаласы.
- 1 ақпан – Сан-Франциско қаласы.
Кездесу орны мен уақыты қосымша хабарланбақ.