КҚК-ның Теңіз терминалындағы үшінші айлақ пайдалануға берілді
Каспий құбыр консорциумының Теңіз терминалында жөндеу жұмыстары толық аяқталып, үшінші айлақ құрылғысы өнеркәсіптік пайдалануға енгізілді, деп хабарлады Энергетика министрлігі.
Алматы, NEGE. Жөндеу барысында қалпына келтіру және техникалық жұмыстардың толық кешені орындалып, құрылғының қауіпсіз жұмысқа дайын екендігін растаған барлық қажетті сынақтар жүргізілді. Үшінші айлақтың іске қосылуы мұнайды екі айлақ құрылғысы арқылы бір мезгілде жөнелтуге мүмкіндік береді.
Бұл Теңіз терминалының жұмыс сенімділігін арттырып, жоспарлау мүмкіндіктерін кеңейтеді әрі қазақстандық мұнайды экспортқа тасымалдаудың бекітілген кестелерінің орындалуын қамтамасыз етеді.
Нысандарды пайдалану өнеркәсіптік және экологиялық қауіпсіздік талаптарына қатаң сәйкестікпен жүзеге асырылуда.