Қызметтік өкілетін теріс пайдаланды деп айыпталған шымкенттік шенеунік ақталып шықты
Қызметтік өкілетін теріс пайдаланды деп айыпталған шымкенттік шенеунік ақталып шықты, деп хабарлайды Kazinform.
Алматы, NEGE. Бүгін Шымкент қаласының қылмыстық істер жөніндегі ауданаралық сотында Шымкент қаласының жолаушылар көлігі және автомобильдер жолдары басқармасының бұрынғы басшысы М.С.Қоқанбаевқа қатысты ҚК 361-бабы 4-бөлігі 3-тармағымен қозғалған қылмыстық іс қаралды. Сот отырысы ашық түрде өтті.
Қылмыстық қудалау органымен М.С.Қоқанбаев лауазымды адам бола тұра қызметтік өкілетін теріс пайдаланған деп айыпталған болатын. Яғни, жолаушыларды тасымалдаумен айналысатын жауапкершілігі шектеулі серіктестікке басқарма тарапынан ай сайын берілетін міндетті субсидияларды уақтылы, ешбір кедергісіз аударуына, жұмысына кедергі жасамау үшін 13 000 000 теңге алды деген күдікке ілінді.
Бүгінгі өткен сот отырысында М.С.Қоқанбаев тағылған айып бойынша, оның әрекеттерінде қылмыстың құрамы болмауына байланысты ақталып шықты.
«Қылмыстық процесті жүргізуші органдарының заңсыз әрекеттерімен келтірілген зиянды өтеу құқығы танылды. Сот үкімі заңды күшіне енген жоқ» - делінген Шымкент қаласының қылмыстық істер жөніндегі ауданаралық сотының баспасөз қызметі таратқан ақпаратта.
Қазір оқып жатыр
Астаналықтар аурухана жанындағы құрылысқа қарсы петиция жариялады
Тоқаев пен Ердоған Мәңгілік достық туралы декларацияға қол қойды
Алматының Наурызбай ауданында ауаның ластануы мөлшерден бірнеше есе асып кеткен
Атырау облысының әкімдігі Индер көлін ерекше қорғалатын аумақтар тізімінен қалай шығартты
