Қызылорда-Құмкөл тас жолы: 8 адам көз жұмды
«Қызылорда-Құмкөл тас жолында аударылған автобуста мерт болған жүргіншінің саны 8 адамға жетті» деп хабарлады, әкімшілік полициясы комитеті басшысының орынбасары Жанат Әбдірахманов Үкімет сағатынан кейін журналистерге.
Астана, NEGE. Оқиға Қызылордадан 85 шақырым жерде, Қызылорда-Құмкөл тас жолында таңғы сағат 5-тер шамасында болған. Ішкі істер министрлігі өкілінің айтуынша, Құмкөл мұнай өндіру компаниясына тиесілі автобус Шымкент қаласында тіркелген. Қазір жедел-тергеу тобы құрылып, аударылған автобустың техникалық жағдайы анықталуда. Сондай-ақ, апат болған жол бойын төтенше жағдай инспекциясы мамандары тексеруді бастап кетті.
Автобус салонында болған 35 адамның 21-і түрлі дене жарақатымен ауруханаға жеткізілген.