Қызылордада дәмхана өртенді
Қызылорда қаласында 11 мамырда таңертең бес қабатты тұрғын үйдің бірінші қабатында орналасқан дәмханадан өрт шықты, деп хабарлады BAQ.KZ.
Алматы, NEGE. Өрт кезінде құтқарушылар 14 адамды эвакуациялады.
ҚР ТЖМ баспасөз қызметінің мәліметінше, өрт шыққан дәмхана бес қабатты тұрғын үйдің бірінші қабатында орналасқан. Өртті сөндіру барысында құтқарушылар баспалдақ маршымен тұрғындарды эвакуациялады.
Өрт сөндірушілердің үйлесімді әрекеттерінің арқасында өрт сәтті жойылды. Қызыл жалын 20 шаршы метр аумақты қамтыды.
Зардап шеккендер жоқ, өрттің себебі анықталуда.
